Hesch welle drummle oder pfyffe?
Denn muesch zu öis zum Instrument cho griffe.

Mir zeige Dir wie äTambour richtig uf d'Trummle schloht,

oder was das alles heisst, wo uf de Noteblätter stoht.

Und wenn Du guet duesch zuelosä,

chasch au gli einisch richtig ins Piccolo blosä!

Bi eus erläbsch Fasncht, Spass und Wettspiel,
und all das bime Top-Leiterteam!

Also verlier kei Zyt, mach eifach rasch,
so dass du negst Joor im Kostüm mit uns istoh chasch.
Witteri Informatione bechunnsch bi
dr Svenja Schilt (svenja.schilt@halbmondclique.ch)
vo dr Junge Garde-Kommission.

 

HCF - FASNACHT 2021

Halbmondclique Frenkendorf

 

 

Mit em Virus infiziert
 
Was isch das nur für e komischi Zit,
mir sind eus einig  do git's kei Strit.
S isch doch würkli nid zum lache,
scho wider dörfed mir kei Fasnacht mache.
I kein Umzug dörf me inestoh,
ufgrund vomene Beschluss, wo de Bundesrot hät erloh.
Stattdesse hei mir so neui Sache müese lärne wie Souschäl Distänsing, soziali Dischtanzierig,
offiziell aag'ordnet vo de Helvetische Regierig.
 
Houm Offiss, Houm Sguuling, Schattdaun und Lockdaun, das isch nid öppe Tiini-Dialäkt,
nei, das chunnt us em Bundeshuus, vo eusne Corona-Spezialischte diräkt.
Bi jedere Glägeheit mues me sini Töpe wäsche,
und anstatt Pfäffersprey häsch jetzt Desinfektionsmittel i de Täsche.
Uf s obligate Begrüessigsküssli muesch verzichte,
Sex git's nur no mit zwei Meter Abstand, und no anderi Gschichte.
In s Joggeli dörfe mir au nümme zu eusem FCB,
wobii, villicht isch es besser, so müemer all die Truurspiel nid gseh.
 
Alles wird verschobe oder abgseit, Fasnacht, Banntag, Mäss und d 1. Auguscht-Fiir,
defür hät de Oli Oesch für eus gsunge, im Färnseh, und jede Obe im Quartier.
D Autobahne und d S-Bahne sind fascht läär, doch s dehei bliibe fallt eus schwär.
I de Läde sind Gmüesgstell läär kauft worde wie zu längscht vergangne Zitte,
und d Lüt hei sich sogar um s WC Papier g'stritte.
Covid-19 heisst dä neui Riisser,
e Lungechranket, und vo däm bechunnsch sogar de Schiisser.
E Vereinssitzig oder es Träffe mit Fründe muesch im Kompiuter mache,
mängi sind schlichtwäg überforderet gsi mit söttige Sache.
Das heisst jetzt ganz modärn en Skaip-Videotschätt organisiere,
aber dodezue häsch zerscht müese di richtig Softwäär inschtalliere.
Luschtigi Bilder hät me do chönne gseh, Lüüt im Pischama,
i de Schale, mit Tiischört und no viles meh.
 
Wämmir an d Zuekunft dänked wird's eus Angscht und Bang,
verfolgt eus das Viruszügs ächt no lang?
Nomol es Johr ohni Fasnacht, wie söll dänn das nur goh?
Mir wüssed nid, wie mir das sölled überstoh,
und finded, es tuet jetzt öppe länge,
und trotzdäm leumer eusi Chöpf nid hänge.
So hoffed mir uf di nationali Impfstrategie,
und dass dä Albtraum isch bald emol verbi.
 
Dänn was au immer no passiert,
mir sind und bliibed mit em Fasnachts-Virus infiziert.  

 

Das simmr!


Und mir sin no vill meh!

Wottsch au Fasnacht mache, Wettkämpf bestritte und e gueti Zyt ha?

Denn chum zu öis ind Halbmondclique!

Chinder ab dr 1. Klass, abr notürlich au Erwachseni si bi öis jederzyt härzlich willkommä.

 

Witteri Infos findsch uf dr Sitte Verein/Mitgliedschaft.

Mir freue öis uf Di!



News

Aktuelli Situation
, Hunziker Karin
Absage HC Plausch 2021
, Halbmondclique
Dr Mörder isch nit immer dr Gärtner!
, Hunziker Karin

Weitere Einträge


Was? Wann? Wo?

Donnerstag 15.04.2021

Wiederbeginn der Proben Anfänger, Fortgeschrittene, Binggis und Junge Garde
Ganztägig

Freitag 16.04.2021

Wiederbeginn der Proben Stamm
Ganztägig
Termine abonnieren (in Kalender wie Outlook, iCal oder Mobilgeräte hinzufügen)


Die nöchschti Fasnacht...
... isch am 6. März 2022...
... und solang goht's no...