Sujet 2014: 50 Johr Halbmondclique
Halbmondclique Frenkendorf
50 Joor Halbmondclique
Am Himmel duet dr Mond hell schyne Unde zwängt sich ein in sy Kostüm yne Dr Wind duet langsam zie und blose Dr Fränkedörfer styt in d Hose Dr Mond wird heller am Firmamänd Dr Fasnächtler het d Larve in de Händ D Sichle glänzt hell in schwarzer Nacht S Piccolo putzt und d Drummle gmacht Doch het d Sichle kei Hammer drin Will mir jo keini Russe sin Es isch e Halbmond und zwar ganz e schigge Und undedra lauft d Halbmondclique Jetzt strahlt der Maa in Mondesschein Und gratuliert em ganz Verein Mir singe zum Himmel La-Li-Lu Halbmond fünfzig Joor bisch Du Happy Börsday duet är abe schicke Für e halb Johrhundert Halbmondclique
E Schleier-Eule fliegt durch d Luft Überall Mimose Duft Die Eule wo sich unde tummle Dien marschiere, pfyffe, drummle Der Halbmond brennt in dere Nacht Scho füfzig mol wird fasnacht gmacht D Frau Fasnacht git im Zug dr Säge Ghüllt in e Konfetti-Räge E halbe Mond für e halb Johrhundert Git genau füfzig Länz wärs wundert Chas nochepriefe wenn er will Das git umgrächnet genau so vill Und lislig zelle nit vergässe Mir wie in Rue der Chueche ässe Bloose die füfzig Cherzli us Und schmecke am Mimose Stuss Dien braf s Geburtstags-Liedli singe D Konkuränz duet Gschänkli bringe Fründ und Find si hütte cho Si proschte zue s sin alli do Mir dien eso als ob nüt wer Si suffe eusi Gläser leer Wills gratis öppis z bisse git Mir düen eso als störs eus nit Mir singe zum Himmel La-Li-Lu Halbmond füfzig Joor bisch Du Happy Börsday duet är abe schicke Für e halb Johrhundert Halbmondclique
1964 gebore Het si an Jugend nit verlore Het in dene fünf Joorzähnt Höggschtens nach der Fasnacht gähnt Si spiele vom Arabi bis zu de Alte Und hei bis hüt kei einzigi Falte Kei Botoxgift und kei Straffig Das finde mir Fränkedörfer affig S brucht weder Operation no Crem Halbmöndler sin vo Natur us schön Klar heit dir niene Falte gfunde Mir hei jo immer d Larve dunde
Me duet sich uf d Schultere chlopfe Proschtet jung mit Schnaps und Hopfe Klar das Alkohol konserviert Mir heis jo 50 Joor usprobiert Hei zur Geburt grad chönne starte Und nit bis zur Konf mit suffe warte Au ghürote heimer nit mir zwanzig Und mit drissig gschiede ranzig
Als Verein blibsch ewig früsch Egal wie alt die Mitglied isch Au mit vierzig kei Graus Hoor Nimm d Larve abe, no gsesch sisch woor Drumm ischs Geburtstags-Fyyre als Verein S bescht wos git, chunnsch nie ins Heim E früsche junge Wind duet ständig blose Und me schisst im Alter nit in d Hose Mir schnyde se aa d Geburtstagsdorte D Halbmöndler si füfzig worde Sisch chum zum glaube aber woor Füfzig Cherzli, füfzig Joor E halb Joorhundert wird si alt Pfyfft und drummlet bi warm und chalt Sigs Räge oder Schnee So chasch se marschiere gse Er gits Zeiche der Major Vorwärts Marsch sit füfzig Joor Mer singe zum Himmel La-Li-Lu Halbmond füfzig Joor bisch Du Happy Börsday duet är abe schicke E halb Johrhundert Halbmondclique Und zwinkeret an dere Stell Dass er in füfzig Joor für eus no schyyne well
Proscht!!! |
|
Das isch dr Sujet 2014 Bricht - Do goht's zrugg zur Übersicht |