Fasnacht 2019 - leider scho vrby....

Die Waggis laufe noch dä zwäi,
nochm Ändsträich ganz müed häi.

Si häi vier Däg lang Fasnacht gmacht, 
häi drummlet, pfyffe und vill glacht.

Dähäi schloofe si schnäll yy und dänkä drby,
äs söll doch bald widr Fasnachts sy.

Ä wundrschöni Fasnacht
isch für eus Halbmöndler z Änd gangä...

S goht nüm ganz äs Johr, denn isches scho widr so wit,
denn isch ändlich widr Fasnachtszit.

Wottsch nümm solang warte?
Und sofort mit eus durestarte?

Hesch welle drummle oder pfyffe?
Denn muesch zu öis zum Instrument cho griffe.

Mir zeige Dir wie äTambour richtig uf d'Trummle schloht,
oder was das alles heisst, wo uf de Noteblätter stoht.

Und wenn Du guet duesch zuelosä,
chasch au gli einisch richtig ins Piccolo blosä!

Chumm nöchst Mittwoch bi eus im Cliquelokal verby
und schrieb Di bi dr Halbmondclique ii!

Bi eus erläbsch Fasncht, Spass und Wettspiel,
und all das bime Top-Leiterteam!

Also verlier kei Zyt, mach eifach rasch,
so dass du negst Joor im Kostüm mit uns istoh chasch.

Witteri Informatione bechunnsch
uf dr Sitte: Mitgliedschaft oder direkt bi
dr Svenja Schilt (svenja.schilt@halbmondclique.ch)
vo dr Junge Garde-Kommission.

Was? Wenn? Wo?

Das simmr! D HCF an dr Fasnacht 2019

DAS simmr AU! D HCF am Eidgenössische Tamboure- und Pfyfferfescht 2018 in Bulle

DAS sind eusi JUNGE - ä glatte Huffe!

Am 35. Zentralschwizerische Jungtambouren- und Pfyfferfescht in Arth 2018 - zämme mit de Junge vom TPRL!

Und mir sin no vill meh!

Wottsch au Fasnacht mache, Wettkämpf bestritte und e gueti Zyt ha?

Denn chum zu öis ind Halbmondclique!

Chinder ab dr 1. Klass, abr notürlich au Erwachseni si bi öis jederzyt härzlich willkommä.

Witteri Infos findsch uf dr Sitte Verein/Mitgliedschaft.

Mir freue öis uf Di!

News