Ferienpass X-Island

Gescht hämmer im Rahme vom Ferienpass X-Island mit 18 Kinder dörfe e Fasnachtstag im Summer erläbe.

Mir hei pfyffe, drummlet, e Konfettikanone baschtlet, Faschtewaje bache und Dummpeter gspielt, e Fasnachtsgschicht ghört und Koschtüm und Larve aprobiert.

Alli Kinder wo interessiert sind, dörfe noch de Ferie in die erschti Drummel- oder Pfyfferstund cho ineluege!

Du bisch NIT am Feriepass gsi, aber hesch au Luscht zum drummle oder pfyffe? Denn chumm au Du cho ineluege!

Die erschti Stund noch de Ferie isch am Donnschtig, 18. August 2022.

Pfyffer

18.00-19.00, Latärnli-Chäller, Salzgasse 2, 4410 Liestal

Tamboure:

17.45-18.45, Rotstabchäller, Kanonengasse 51, 4410 Liestal

Du hesch no e Frog? Eusi Instruktore oder d Jungi Garde Obfrau beantworte gern Dini Froge.

Mir freue eus uf Di!